Vasala ci vasals! Ite vari paskaiteit munus tekstus i vaira izzynuot par mani ci munom valisprīcom... Verīs sadaļuos zamuok.
Dūmoju, runoju, rokstu latgaliski
Kasdīnā daudzi runoju i rokstu latgaliski, jo tei ir muna sirds volūda…
Asmu rodūšs cylvāks ar dažaidom interesem. Kasdīnā struodoju ar izgleiteibys i kulturys projektim, dorbojūs naz cik navaļstiskajuos organizacejuos. Breivajā laikā pateik laivuot, īt puorguojīņūs voi braukt ar ritini. Rokstu dzeju latgaliski. Vodu ari nūdarbeibys dažaidom auditorejom. Asmu atvārta sadarbeibai i jaunim projektim.
Rokstu ailis
Kasdīnā pīrokstu aileitis latgaliski, braucu iz sarunu i dzejūļu skaiteišonys pasuokumim pi dažaidu ļaužu - školuos, bibliotekuos, citvīt. Ka grybi mani dzierdeit i satikt, padūd viesti!
Veļu vylnu
Breivajā laikā man pateik veļt nu vylnys vysaiduokys skaistis lītenis - capurys, brošys, krellis i c. Braucu ar rodūšajom nūdarbeibom pi cylvāku, kab kū skaistu sataiseitu kūpā.
Konsulteju par karjeru
Pēc profesejis asmu karjeris konsuļtante, braucu iz školom voi nalelom cylvāku grupom, kab runuotu par karjeris lītom. Varu konsulteit ari pa vīnam, ka ir taida vajadzeiba.
Dzīsmis ar munim tekstim i Muoksleiguo intelekta muzyku i bolsu
Zalta izlase
Dzīsme regeja ritmūs par tū, kū naredzam, bet varam tikai īsadūmuot...
Muna dzīsme
Kaidi ir poši svareiguokī vuordi, kurus Tu grybātum, ka kaids Tev pasoka? Mož Tu vari pasceit tūs poša/pats sev?
Piļsāta i es
Vīgla dzīsmeite par asociacejom atsarūnūt piļsātā i sevis apsazynuošonu
Dzejis dīnys
Par Raineiti i Dzejis dīnom. Naz voi jis saprostu myusu tekstus i voi myusu laikūs jam pītyktu saulis
Tyveimuokī pasuokumi ar mani
Regulari pīsadolu dažaidūs pasuokumūs, itymā sadaļā var atrast, kur i kod kaids pasuokums nūtiks…